港台電視32及on.cc東網直播理文鬥東方全力衝刺

理文上場派晉峰4蛋，是曾昭達接手球隊後最大勝仗，惟「達Sir」仍認為球員「綁手綁腳」，會繼續鼓勵他們放膽進攻。首循環碰頭理文小勝1球，「達Sir」相信今仗仍然緊湊：「之前東方就算唔齊腳，對住傑志表現都唔曳，今場唔會易踢，希望球隊發揮正常。」荷西安祖及迪高上場因傷倦勤，兩人情況仍有待觀察。

基華尼頓（Gil）踏入3月後腳風奇順，上場對晉峰梅開二度，Gil表示狀態漸入佳境：「自己季初表現唔好，依家入番波兼幫到球隊，梗係開心。」雖然對手近況一般，惟Gil表示絕不能放鬆：「東方對親我哋都好落力，我哋要非常集中，尤其要睇實黃皓雋同巴杜姆。」

東方聯賽錄得兩連敗，主教練盧比度（Chino）承認球員士氣平平，但一早預計會遇到困難：「大家覺得失望係正常，因為每位球員都想有好成績，但改善需要時間。希望我哋可以遇強愈強，向對手施壓。」陣容方面除馬高斯繼續停賽外，球隊仍受傷兵潮影響。

東方陣容不整下面對魔鬼賽程，黃皓雋（Anson）表示要承擔更多重任：「落到場就係講求團體合作，每位球員都有責任。」是役有望倒戈舊主，Anson仍有信心協助球隊走出低潮：「落到場有好多變數，但我相信我哋有能力去贏波。」