藍鳥第300場黃洋迎里程碑

現年39歲的黃洋於2011年後一直效力傑志至今，已為球隊上陣299場的「大哥」，只欠一場便成為繼門將王振鵬後，第2位達「300場」里程碑的球員，賽前他十分開心：「始終踢咗傑志咁多季，但其實一開始冇預計喺250場之後，仲有機會去到300場呢個目標。」

隨着年紀漸大，加上「藍鳥」中場好手眾多，「大哥」近年逐漸退居後備，今季各項賽事只曾上陣9次，在球隊的角色，亦慢慢變成幫助年輕球員成長為主，他提到顏卓彬有望接棒自己：「今季嚟講好明顯係顏卓彬，佢每場表現都好穩定，仲入選咗港隊初選名單，對佢嚟講係好嘅開始。」

上輪對香港U23的「菁英盃」分組賽，為「大哥」今季第3次踢足全場，他盼望今晚繼續有好表現：「到咗呢個年紀，好需要比賽去保持狀態，上場波絕對幫到忙，始終每場波對傑志都好重要，當然想贏。」值得一提，後衞羅梓駿亦已為「藍鳥」上陣99次，今場有望踏入100大關，成為首名達到此成就的傑志足球學院畢業生。