揚威德國！伍家朗：冇一種成功係容易

進入2023年表現保持強勢的伍家朗，過去3次入決賽都飲恨而回，他在社交平台與球迷分享：「經過3年零44日嘅等待，我終於再一次企上頒獎台嘅冠軍位置。中間曾經3次打入決賽都功敗垂成，3次都同冠軍擦身而過，每次我都諗會唔會係我最後一次嘅決賽，仲有冇機會喺他朝一日退役之前攞到冠軍……我雖然同身邊嘅人都係講『平常心啦』，但係人知去到可以爭冠軍嘅時候點會做到咁佛系？」

伍家朗還透露爭冠時有傷，對自己的心態是一個挑戰，「第二局初段突然腿部受傷，要駐場醫生幫我做簡單嘅治療，我心諗『唔通又要等下次』，雖然傷勢冇令我完全要投降，但的確對發揮有影響，我只可以盡量做啲唔會令到我太痛嘅動作，一分一分捱落去……」

28歲的伍家朗今仗完全體驗到成功是要自己爭取，「呢場比賽更加印證一句說話，就係當你想成功或者得到你好想要嘅結果，你一定要首先好刻苦耐勞跨過重重難關，因為冇一種成功係會嚟得好容易。」

他多謝一直支持他的人，並期望可以為港再爭佳績，「希望唔使再等３年。」目前世界排名15的他，隨即轉戰全英賽，首圈再遇今次的決賽對手中國的李詩灃，而結束比賽後這位準新郎將回港，為自己於本月26日的婚禮作最後準備。

至於港隊全力出戰周二開打的全英賽，其中另一位男單球手李卓耀首圈碰着頭號種子的奧運冠軍安賽龍，極具考驗；香港首席混雙組合鄧俊文／謝影雪則首圈面對2號種子的奧運銅牌組合日本的渡邊勇大／東野有紗。