昔日東方標準流浪炮轟香港Ｕ23
今日港超聯頭場，標準流浪坐鎮斧山道運動場鬥香港U23。兩隊今季4度交鋒，流浪皆屬獲勝一方，為打入前4，3分志在必得；香港U23仍未開齋，寄望球員踢出鮮明鬥志，與主隊周旋。（on.cc東網周六下午3時直播）
米路：首要目標爭前4
流浪下周中於「賽馬會菁英盃」出線關鍵戰惡鬥傑志，惟技術顧問米路直言不會因此留力：「我哋目標要爭聯賽前4，嚟緊每場都好重要，希望今日可以盡早拉開比數，畀部分主力有機會休息。」上仗因胸口痛缺陣的射手祖連奴，是役可以候命。
流浪新箭頭伊巴謙上場首次擔正兼踢足全場，這位前加納奧運腳有信心球隊今日可全取3分：「我哋賽前好努力練波，只要唔輕敵，絕對贏得。」
羅曉聰提醒隊友要高度集中
香港U23主教練司徒文俊盛讚流浪下半季愈踢愈好，預計對手會以較直接的方式進攻，盼能搶分而回：「佢哋加咗啲新球員後，防守穩健咗，亦要小心佢哋嘅快速反擊，特別要睇實祖連奴。」
隊長羅曉聰指斧山道運動場面積較細，有利球隊防守，「阿聰」又提醒隊友要改善集中力：「我哋成日喺上、下半場一開始就失波，或者失咗波之後，好快連輸幾粒，如果大家集中啲，相信成績會好好多。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
