港台電視32及on.cc東網直播東方傑志旺角場大激鬥

今日「中銀人壽香港超級聯賽」尾場大戰，東方於旺角大球場火併傑志。面對「魔鬼賽程」的東方，近期陷入傷病潮，要在強敵身上搶分惟有將士用命；傑志今季面對東方往績佔盡上風，為保持爭標優勢，今仗絕不手軟。（港台電視32及on.cc東網周六晚6時直播）

東方今場有馬高斯累積黃牌夠數要停賽外，鐘樂安、朱康銘、黃梓浩及巴杜姆等人亦有傷在身，上陣成疑。陣容不整下要硬撼傑志，主教練盧比度（Chino）承認挑戰極大。兩軍對上一次交手，東方在「高級組銀牌賽」決賽力戰至互射12碼才敗陣，Chino指今日再碰頭，情況會截然不同，但強調不會輕言放棄：「上次決賽我哋陣容完整得多，今場要踢番當時嘅表現有難度，但我哋會逼傑志使出真功夫。」

史雲斯頓盼展現決心

史雲斯頓（Mark）季中加盟東方後，一度受傷患困擾，早前終克服傷患復出，並於上月對香港U23一戰斬獲開齋波。Mark指現時狀態及信心都大為提升，是役或倒戈舊主，Mark表示會以平常心應戰：「傑志無疑係強隊，但我哋冇壓力，希望展現出爭勝嘅決心。」

明加索夫預咗唔易踢

傑志今季各項賽事3鬥東方全勝，雖然對賽成績明顯佔優，加上對方今日陣容不整，但總監兼主教練朱志光提醒球員不可掉以輕心：「其實東方班球員已經夾慣夾熟，出邊個都係咁踢，冇咗馬高斯影響唔會太大，同時唔好話我哋『食住』佢哋，聯賽逐場計，都係睇臨場發揮同邊隊有決心啲。」「朱Sir」又透露上場避戰的丹恩奴域，是役或會與金信煜首度同場擔正。

明加索夫首戰港超表現出色，上場「賽馬會菁英盃」更梅開二度，各項賽事已累積19個入球，他期望能繼續為球隊作出貢獻：「對住東方每場形勢一次比一次緊湊，因為佢哋會不斷改進，同埋更加想贏番次，希望自己有波入或交出助攻，幫球隊攞晒3分。」