昔日東方討厭輸波！巴西三劍俠重聚打天下
慕沙對南區陣中球員並不陌生，好似李嘉耀、翟廷峯及佐佐木周等，過往都曾與這位巴西前鋒當過隊友，不過要數與慕沙關係最熟絡的，肯定是基斯和杜馬思。
早在佳聯元朗時期，巴西三劍俠已經合作無間，今季機緣巧合下，3人再於南區並肩作戰，對此慕沙表示非常開心，並認為有兩位同聲同氣的老友在陣，令他更容易融入新環境，更指出3人其實有相似之處：「賽場上，我係非常討厭輸波嘅感覺。喺呢方面，我、基斯同杜馬思，3人場上位置、能力同踢法雖然都唔一樣，但骨子裏嘅性格其實好相似，我哋都有爭勝心，願意去拚搏。」
近年南區一直缺少捧盃運，但慕沙認為球隊有能力問鼎錦標：「一隊波具質素球員當然重要，但如果成隊波鬥心極強，咁球隊就會變得所向披靡，南區有呢種特點，所以我相信我哋可以有一番作為。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
