慕沙開齋起孖盼陸續有來

慕沙自投效南區後，各項賽事上陣7場，惜一直未取得「處子球」，他直言對深水埗成功開齋後，終於可以釋放壓力：「之前啲比賽有啲唔好彩，我唯一可以做嘅，就係繼續努力幫球隊贏波，好開心今日終於入到波，希望之後陸續有來。」

這位巴西前鋒續稱，自己心態一直保持積極，全力投入操練，未有被壓力影響心情，只着眼於如何為球隊帶來幫助：「當仲未入到波嘅時候，我一直係度諗點樣先幫到球隊，好高興今日用兩個入波，幫南區攞晒3分。」此外，今場慕沙與前線拍檔史提芬彭利拿互相向對方送出助攻，他喜言兩個入球正好證明自己已融入球隊，深信與隊友的默契會愈來愈好。