傑志撲擊香港Ｕ23

香港U23今季各項賽事面對傑志皆告落敗，中場鄧筵霑坦言就算對手作出輪換，雙方仍存有差距。他又指球隊雖出線無望，仍盼可以踢場好波：「之前聯賽對住傑志，球隊做逼搶嘅時機有啲亂，結果畀對手把握反擊入咗幾球，呢方面要做好啲。」他寄言隊友切勿自亂陣腳，並要把握反擊機會。

傑志對上一場「賽馬會菁英盃」已經是1月8日對標準流浪，陣中U22後衞曾以行（Ellison）透露，自己在這段時間借預備組及大專盃賽事保持狀態。分組賽踏入最後直路，Ellison直言今場相當重要：「今場贏波對出線絕對有幫助，不過香港U23喺進攻方面係有進步，若然我哋後防疏忽，佢哋就製造到有威脅嘅攻勢，要做好每個細節。」值得一提，今場將是傑志門將王振鵬（圓圖），為「藍鳥」把關的第350場，賽前球隊Fb專頁特意出Post提提大家。