回顧大埔時光充滿感激

談到伊高沙托尼在香港的「威水史」，就是在2018至19球季為和富大埔勇奪聯賽冠軍，季後更當選香港足球先生。回想該季時光，這名巴西射手仍笑得開懷：「嗰個球季好特別，喺場上做咩都得心應手，當中季尾對冠忠南區場波好深刻，因為我哋要贏先維持到聯賽榜嘅優勢，結果我最後關頭攻入致勝1球，嗰球可能係自己當季最重要嘅入波。」「伊高」至今仍被不少大埔球迷所愛戴，他感激表示：「直到依家都有啲大埔球迷，特登入嚟睇我比賽，之前仲有個球迷飛去日本撐場，好感恩得到咁大嘅支持。」