再度外闖落戶春武里 韋婉婷︰盼盡快適應

新一季泰國女子甲組聯賽將於3月4日重開，有10隊競逐，幾支爭標熱門皆積極增援。對於事隔近3年再赴海外落班，「韋婉」坦言十分期待：「今次出去我冇諗啲咩特定目標，只係希望可以盡快適應環境同球隊，踢到自己應有水準，仲有就係喺言語文化唔同嘅情況下，去同隊友、教練溝通，同埋建立默契。」

香港球員不論男女，要外闖從來不易，像「韋婉」這樣能夠先後在歐洲和亞洲落班，就更加難能可貴。為此，「韋婉」以過來人的身份，向立志外闖的後輩說了這一番話：「一定要堅持自己嘅信念……做人嘅嘢唔會一次唔得就次次都唔得，只要咬緊牙關，總會有結果嘅！如果真係有心出去見識，就要趁後生走出去，好好珍惜每一個機會，只要有心，就會遇到同樣有心嘅人去扶你一把。」

「有啲人可以用錢去拉近同夢想嘅距離，但我覺得靠自己嘅血汗去實現夢想，得到嘅成就感同滿足感，遠遠有意義同有價值得多。」「韋婉」感慨地道。春武里已為韋婉婷已完成球員註冊手續，她將會穿上28號球衣。