昔日東方「雙殺」香港U23 深水埗擸3分
昨日港超聯頭場榜尾大戰，深水埗於深水埗運動場鬥香港U23。結果深水埗憑朱偉鈞早段頭槌破網，小勝1球而回，聯賽成功「雙殺」對手。
主隊深水埗有捷西斯停賽，沈云燮移後一格與杜國榆鎮守後防，羅港威和朱偉鈞組成雙箭頭。作客的香港U23由龐焯熙把關，袁世傑、宏愷志分任兩翼，支援箭頭羅曉聰。深水埗初段先聲奪人，6分鐘，朱偉鈞接應沈云燮角球頭槌頂入，為主隊打開。4分鐘後深水埗策動反擊，朱偉鈞左路傳中，惟劉浩霖禁區內射斜。香港U23站穩陣腳後反撲，陳潤潼勁射被奧利斯接實。36分鐘深水埗差點再有斬獲，羅港威禁區頂起腳僅柱邊出界，半場領先1球。
易邊後香港U23未放棄，袁世傑單刀被奧利斯橫身撲出，深水埗隨後繼續憑角球製造威脅，可惜朱偉鈞的頭槌，以及波比遠射均無功而還，最終深水埗維持1比0勝局，今季第二度全取3分。
POM朱偉鈞：入波係全隊功勞
是役早段頂入全場唯一入球的朱偉鈞，成功斬獲加盟深水埗後的處子球，更協助球隊打開今季主場勝利之門，賽後當選為「今場最佳球員」（POM），這位前鋒將入球及勝利歸功於全隊上下：「我只不過係做番自己嘅任務，擺個波入網，呢個獎係屬於深水埗職球員，佢哋喺我心目中都係今場最佳。」他透露球隊賽前特別加操角球攻勢，對訓練有成果感高興。對於加盟後上陣機會大增，朱偉鈞表示非常享受：「球員最需要落場時間，自己狀態係有喺度，但當然可以再好啲，現時成隊波氣氛好好，每日都進步緊，每日都喺教練同隊友身上學緊嘢。」
■圖／文：李浚湣、林卓臻
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
