第4次起孖神田夢實：陸續有來

神田夢實自1月份加盟標準流浪後，至今已第4次「起孖」，累積交出8個入球，賽後顯得十分興奮：「我覺得今季暫時嘅表現算唔錯，今次嚟香港發展都算成功，之後想繼續入波，更重要係幫球隊贏波。」

Yumemi加盟後成為球隊「死球專家」，今場亦憑一個12碼助球隊再次領先，他笑言主射前有一定壓力：「前一場對東方試過宴客，所以有啲緊張，原本諗住讓畀『嘉緯』射，但佢叫我放膽。」生涯首次離鄉別井的Yumemi，上場對傑志因水土不服先列後備，他表示此刻已完全康復，但在飲食文化上仍需時間適應。