昔日東方標準流浪作客3:1挫晉峰
昨日港超聯尾場，晉峰於青衣運動場主場迎戰標準流浪。流浪憑日援神田夢實「起孖」，加上余在言的入球，以3比1擊敗曾靠栢保羅扳平的晉峰，順利全取3分。
晉峰是役由陳肇鈞及列卡度坐鎮中場，新兵羅拔奧度首度登場；流浪方面林衍廷負責中場掃蕩，林嘉緯墮後較炮，入球重任落在神田夢實及祖連奴身上。
作客的流浪甫開賽即反客為主，3分鐘韋健豪門前抽高。9分鐘神田夢實接應林嘉緯橫傳，禁區內輕鬆撞入，流浪領先1比0。16分鐘流浪前場逼搶成功，祖連奴推順後起腳，卻被林駿杰接實。晉峰之後還擊，21分鐘栢保羅罰球直射，梁興傑橫身撲出。34分鐘「粉紅軍團」終於扳平，鄭璟昊右路傳中，栢保羅頭槌頂入今季「開齋波」，上半場尾段林駿杰撲出祖連奴單刀，半場各一平手。
米路：衝前4未來幾仗好重要
易邊後流浪加大壓力，神田夢實禁區頂主射罰球，林駿杰托出再中楣彈走。63分鐘流浪再次領先，林嘉緯禁區內被列卡度剷跌，球證直指12碼點，神田夢實操刀得手，加上86分鐘余在言「埋齋」，最終流浪作客贏3比1。
標準流浪技術顧問米路表示，今場能夠勝出關鍵「6分波」，對球隊相當重要，並有信心衝上前4：「球隊嚟緊會對深水埗、香港U23同港會，幾場都好重要，相信我哋仲有機會打入前4。」米路指球隊下半場演出有改善，能夠控制比賽，令對方埋門銳減，應能夠以更大比數勝出。■■圖、文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
