深水埗香港U23搶分有睇頭

首循環交鋒深水埗贏2比1，今場返到主場出擊，中場黎格爾認為在球迷打氣下，表現會更醒神：「今場波對兩隊都好重要，點都有啲壓力，都係睇邊隊夠集中，同決心大啲，目標係贏波攞3分。」陣容方面，上場領紅的後衞捷西斯要「坐波監」，「格爾」承認缺少這位主力，對球隊防守難免影響，自己與其他隊友會分擔其責任。

香港U23門將雲天樂（Michael）近期逐漸取得落場機會，感覺如夢想成真。今場作客深水埗，Michael盼望能在同級對手身上取分，並指捷西斯停賽對球隊有利：「大家為咗呢場波做咗好多準備，希望落到場可以運用番出嚟。首循環時都見到捷西斯喺深水埗後防嘅重要性，今場佢踢唔到，對我哋係好消息。」陣容方面，鄧筵霑今仗刑滿復出，可以候命。