港會「地獄主場」恭迎傑志

港會今季兩鬥傑志，皆以5球大敗而回，但主教練東尼咸美頓（Tony）未感畏懼，揚言不會再讓對手贏得輕鬆：「傑志係香港最強嘅球隊，所有人都估佢哋會贏，我哋會盡量令到場波刺激啲。」Tony透露里奧及峇夏比繼續養傷，加上部分球員剛康復，盼望有足夠後備人手。左閘蕭嘉明表示面對傑志難免防守為主，希望能搶分而回，他又指伊高沙托尼於邊線尤其具威脅：「佢左右腳都好純熟，腳步又靈活，防守球員最怕就係對住呢啲球員。」

傑志上場聯賽憑一記爭議性12碼全取3分，賽後隨即在網上引起熱議，總監兼主教練朱志光強調判決絕對正確：「大家喺後備席都望得好清楚，老實講我哋都想呢球有VAR，但一班球員心態冇受到影響 。」今季不少強隊作客港會皆失分而回，「朱Sir」直言今仗不易踢：「始終球員未必踢得慣仿真草；加上場地細有利防守，要好有耐性去爭取入波。」

新兵羅素相隔5年再次回流，上場首度列入大軍名單，他盼望今日可為「藍鳥」披甲：「細個成日喺港會主場踢波，都預咗對手會集中防守，同一定踢得硬淨，呢場波好啱自己風格，我都準備就緒。」同日在香港足球會足球場提供「雙料娛樂」，港會U16於下午1時半主場對傑志U16，球迷可憑超聯門票免費入場。