港台電視32 × on.cc東網同步直播：晉峰鬥標準流浪棋逢敵手

今日「中銀人壽香港超級聯賽」續有多場大戰上演，當中尾場晉峰於青衣運動場主場迎戰標準流浪。「粉紅軍團」近3場聯賽保持不敗，是役更有新兵羅拔奧度上演「地標戰」，令人期待；流浪上場奮戰僅負傑志「一肚火」，為重拾勝軌隨時反客為主，勝負要踢過至知！（港台電視32及on.cc東網周日晚6時直播）

晉峰剛簽入新援羅拔奧度，今場有望與栢保羅及費利浦薩攜手攻堅，總教練何信賢透露這名尼日利亞前鋒狀態未足，但相信他有力為對手帶來不少威脅。兩隊賽前同得15分，「何Sir」直言今場十分重要：「流浪近況好好，除咗高空波有優勢，祖連奴同其他進攻球員都好活躍，我哋唔可以輕易輸罰球，同埋再犯大意失誤。」

陳肇鈞：保持踢法做好自己

陳肇鈞（Philip）加盟晉峰後已上陣5次，他指自己對左翼這個位置並不陌生，盼盡快取得入球。Philip認為球隊不斷進步，希望今場發揮更好：「港超冇邊場波容易踢，尤其中下游幾隊實力差唔多，都係睇臨場發揮。流浪今年質素係幾好，但我哋唔會改變踢法，都係踢地面組織同控球在腳，做好自己。」

流浪上場補時階段被罰爭議性12碼，最終以1比2僅負傑志，技術顧問米路表示判決已無法改變，希望球隊盡快恢復士氣，集中今仗「6分波」：「今季兩次對住晉峰都好難踢，唔可以畀佢哋有太多反擊機會，希望贏波縮窄同前4差距。」林衍廷今場刑滿復出，新兵伊巴謙亦完成註冊，可隨時候命。

梁興傑點名嚴防費利浦薩

門將梁興傑上場聯賽差點協助流浪守和傑志，他大讚球隊在防守紀律及聯繫上做到足。今場面對晉峰，「09」點名要嚴防對手兩大主力：「費利浦薩當然係最大威脅，佢兩隻腳都得，同時唔可以畀Philip上腳太多，一定要波到人到，令佢無咁易盤球。」

第一手消息請下載on.cc東網 iPhone/ iPad/ Android/

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：

港台電視32 × on.cc東網 同步直播：晉峰鬥標準流浪棋逢敵手