港台電視32及on.cc東網直播和富大埔 理文攻守激鬥

大埔上場0比0賽和晉峰，近兩戰保持不敗兼力保不失，「綠戰士」主教練李恆滙喜見球隊防守表現有改善。今次再遇強敵，他希望能發揮主場優勢：「『達Sir』（曾昭達）接手球隊時間唔耐，短期內改變未必好大，但佢哋個人質素肯定更高，我哋主場出擊，加上近呢幾場嘅鬥志，睇吓可唔可以畀到壓力對手。」翁煦濤因外借條款今場避戰，好消息是後防主力李家豪坐完波監復出，有望進一步加強防線實力。

上輪對晉峰一戰獲選「全場最佳球員」（POM）的大埔門將謝家榮，近兩仗幫助大埔保持零失球，他強調少不了隊友的扶持。今場再遇理文，他指對手為爭標鬥心毋庸置疑，但認為大埔絕非沒有搶分機會：「我哋喺大埔運動場踢，防守上係較容易，有信心喺理文身上偷到雞。」

理文上輪踢出士氣波，以兩球擊敗另一前列分子冠忠南區，接過帥印後帶領球隊取得兩連勝的曾昭達，就形容隊內氣氛有改善：「球隊都知道過去兩場波嘅重要性，但希望大家唔好陶醉喺勝利中太耐，始終仲有好長嘅路要行。」理文今季各項賽事3次面對大埔全勝，惟「達Sir」認為往績僅供參考。人腳方面，黃俊皓上場因傷退下火線，今場很大機會缺陣。

至於近日入選港隊初選名單的余煒廉，就希望繼續交出好表現，他又謂要對大埔一班外援多加提防：「保連奴同雷仙奴都係個人能力好強嘅球員，喺反擊上會做到嘢，但相信只要我哋發揮到應有嘅能力，就唔會太擔心。」