東方火猛圍攻香港U23

近8日應付第3場賽事的東方，剛周中「賽馬會菁英盃」大派晉峰「6蛋」，主教練盧比度（Chino）認為球員信心有所提升。東方今季3次與香港U23交手全勝，惟Chino指球隊多次遇到頑強抵抗，必須做好自己：「佢哋要為生涯前途而戰，如果我哋覺得今場可以輕鬆取勝，咁就大錯特錯，必須打醒十二分精神。」上場倦勤的高素巴耶夫已無大礙，今仗有望與蔡立靖齊齊復出。

香港U23上場以8球大敗予傑志，右閘陳潤潼盼望球隊從中吸取經驗。「阿潼」又指東方進攻火力強勁，務必小心提防：「孫銘謙已經係最頂尖嗰班華人球員，黃皓雋近況亦好，仲要係『雙槍將』，加上巴杜姆嘅支點作用，攻力好強。」他希望盡力壓制對手左路攻勢，以減輕球隊防守壓力。陣容方面，鄧筵霑累積黃牌夠數，今場要坐波監。