港台電視32 X on.cc東網同步直播港會擺擂台迎擊深水埗

港會主教練東尼咸美頓（Tony）認為深水埗在冬季轉會窗加入幾位新球員後，實力大為提升，預計今場不易應付，希望能成功搶分：「深水埗實力比之前好，但如果我哋交出應有水準，有機會攞到分，甚至贏波。」一對中堅菲杜化及杜國樑可望復出，左閘蕭嘉明因累積5面黃牌停賽。

港會今季3度與深水埗交手，未嘗一敗，惟中場喜比特指今場可能是最難應付的一仗，但有信心有分落袋：「經過咁多次交手，兩隊踢到熟晒路，不過我哋主場威力強勁，作客嚟到想贏波，唔係一件易事。」

深水埗主教練郭嘉諾在球員年代，曾為港會效力長達7年，他笑言在這個「地獄主場」留下不少腳毛。今場首次帶隊回歸感覺特別，目標搶分而回：「今個星期我哋專登離開石硤尾，去咗搵一啲同港會場面積、質素差唔多嘅場練波，加強適應。冇錯港會今季主場表現好好，但我哋Nothing to lose（冇嘢可以輸），冇壓力下表現可能更好。」

南韓籍新兵沈云燮（Sim）暫時為深水埗正選上陣4次，他坦言球隊成績麻麻，對自身表現並不滿意。深水埗近3場狂失13球，身為防守中場的Sim，賽前勉勵年輕球員勿放棄：「好多時失波都係因為中後場犯錯，但下下大腳解圍對成長冇任何幫助，希望佢哋落場唔好太驚，繼續放膽向前進攻，而我個人就想交出助攻或入波。」