昔日東方傑志強勢喪攻香港Ｕ23
「中銀人壽香港超級聯賽」周日（12日）尾場賽事，傑志於主場旺角大球場迎戰香港U23。香港U23聯賽至今仍未開齋，加上正經歷「9日3戰」，球員體能未必能夠及時恢復；相反近7場聯賽全勝的「藍鳥」，為進一步鞏固前列優勢，今場隨時再一次大開殺戒！（on.cc東網周日晚上6時直播）
傑志首循環曾大勝而回 ，但總監兼主教練朱志光認為香港U23近期表現有進步，今場並不能輕視對手：「踢咗咁多場實有進步，唔會場場都畀人炒，見到佢哋上場對流浪都一直咬住。唔可以話一定贏，弱隊只要比賽初段適應到，絕對唔容易應付。」
金信煜未辦妥工作證
陣容方面，除了羅拔圖累積5黃停賽，金信煜因工作證仍未辦妥未克候命，不過基爾頓、羅梓駿皆刑滿復出，羅素亦有機會迎來地標戰。
上場對深水埗獲選為最佳球員的米基爾（Mika），今季各項賽事暫時已累積11入球、7助攻，他表示自己無論在訓練，抑或比賽期間皆會繼續竭盡全力，希望今場可以幫助球隊延續勝軌。
郭子堦拒絕「未打先投降」
香港U23周中戰畢「賽馬會菁英盃」，相隔數天就與傑志交手，主教練司徒文俊指球員未回氣，因此難以「夫添」出擊，令球隊形勢更嚴峻：「有啲球員之前兩場波都搏盡，有啲微傷要休息吓，所以未必可以用最好嘅人腳踢呢場波。」「司徒Sir」又謂「藍鳥」實力強橫，坦言今場會依舊投放較多心力在防守上。
防中郭子堦表示傑志羅致伊高沙托尼後，攻力比之前更強，但揚言不會未打先輸，希望隊友打出拚勁：「可能外界覺得我哋今場輸少當贏，但大家心入面都有團火，希望今場有分落袋，唔會一行入球場就覺得輸硬。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
