港台電視32 × on.cc東網 同步直播：深水埗晉峰搶分去到盡

深水埗上場聯賽大敗予傑志，但主教練郭嘉諾認為球隊下半場表現有所改善，相信球員心態及鬥志未受太大影響。深水埗今季在聯賽主場仍未「開齋」，「嘉諾Sir」強調今場面對晉峰目標「有分落袋」：「今季主場戰績唔好，好似對和富大埔呢啲『五五波』都輸，今場想踢好啲，一定要入波同攞分。不過對手上場多咗幾位新球員，轉咗陣式同表現好咗，我哋都要加倍小心。」

門將奧利斯傷愈復出後，連續兩場擔正，他表示經過對傑志、理文的硬仗後，自己逐漸重拾狀態，亦十分享受重返綠茵賽場的感覺，希望今場可以踢得更好：「之前兩場對住強隊，帶畀我唔少經驗，自己嘅每一吓決定要做好，同埋一定要作出更多靚嘅撲救，盡力幫助球隊贏波。」

晉峰上場臨完場前遭港會逼和，痛失2分，總教練何信賢表示相當可惜，提醒球員在防守角球、死球時需要更集中。「粉紅兵團」首循環曾擊敗對手，但「何Sir」預計今場作客並不容易應付：「始終深水埗陣容變動好大，加上要作客出戰，預咗佢哋球迷都會好多，氣勢好強，初段踢法會偏向保守啲，以減少失誤為主，目標當然係贏波。」

中堅葉卓文上場接應角球頂入，為晉峰先開紀錄，他笑言這個戰術已練習了很久，對終於取得入球感到開心。球隊在簽入中場列卡度後，「卓文」認為能改善球隊中後場防守表現，希望今場可以順利全取3分：「多個有經驗同制空力嘅外援，令到隊友同我都定好多，可以放膽出去對波；今場要守好朱偉鈞，因為佢有好強嘅能力同射門觸覺，盡量唔好畀佢轉到身。」