費查保不失：要令睇小我哋嘅人失望

費查是役表現神勇，多番抵禦對手來襲，助主隊擊敗這支「高級組銀牌」亞軍，但他未有邀功，反而盛讚隊友付出，更指16歲小將周子謙（Tim）更值得成為「POM」：「好開心獲得認同攞到獎，但我覺得Tim仲值得攞呢個獎，因為佢面對對手嘅外援前鋒，都交出好表現，好難相信一位年僅16歲嘅球員，已經喺球隊佔一席位。」

本季港會演出令人驚喜，連同今場在內，已3度成為「POM」的費查，賽後難掩興奮之情：「上季可能有啲球迷會笑我哋，因為球隊實力唔夠好，但今季唔同晒，我哋每一場都出盡力踢，希望繼續令睇小我哋嘅人失望。」