昔日東方轉戰中超再度外流 茹子楠珍惜突破機會
憑着上年接連代表香港足球代表隊，在「亞洲盃」外圍賽及「東亞盃」踢出好表現，現年24歲的茹子楠，早前加盟中超球隊梅州客家，繼2019年後再次展開外流之旅。而隨着球季結束，「茹子」亦把握時間回港過年，盼「叉足電」迎接新一季的來臨。
茹子楠在2019年曾外流至葡甲球會科瓦彼達迪，但因為年紀尚輕未能適應當地生活及文化，效力半年後便提早返港。現年24歲的「茹子」早前獲中超球隊賞識，他承諾會好好珍惜：「今次係上天畀我嘅第二次機會，都無咩點考慮，我都知呢個年紀，如果留喺香港可能突破唔大，而再過多幾年，甚至好難有機會出去。」
來到新地方「人生路不熟」，「茹子」坦言用了兩個月時間才逐漸適應：「我會搵自己鍾意嘅嘢去做，反正點都要留喺度3年，與其頹落去，不如好好享受。好似唔開心咪出去行吓，或者喺間房寫吓日記，思考吓有咩做得唔好，咁先知道第日有咩要改善。」
經中超洗禮變得更職業
總結首次征戰中超的表現，「茹子」直言感到滿意，尤其自己成功爭取正選，加上又能貢獻入球、助攻，可謂超出預期。「茹子」又認為經歷半季在中超洗禮後，令自己變得更加「職業」：「香港好多人朝早練完波仲要教波、做保險等其他工作；上面只會專心練波，強度大到令人做唔到其他嘢，練完波一定要休息，又有自己球場，想幾時用就幾時用。」
「茹子」自從上年6月份開始一直留在內地，笑言今次回港需要好好放假：「上面4日1場其實都攰，賽前做好準備，賽後又要恢復，然後每日點都會有一課練波，有時朝早仲要做gym。心理、生理都要放鬆吓，之後先有更好嘅表現，講真見吓朋友、屋企人都好開心，好掛住香港嘅人同事。」佢更希望成為香港年輕球員的榜樣：「好多家長覺得踢波無前途，自己想成為年輕球員嘅動力，證明畀佢哋睇香港踢波都有機會外流，然後繼續揀踢職業呢條路。」圖、文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
