昔日東方來港後首冠米基爾望陸續有嚟
傑志昨日決賽憑互射12碼贏得「高級組銀牌賽」冠軍，賽後入球功臣米基爾（Mika）直言感到相當疲倦，但對來港後首次奪冠表示開心，希望錦標陸續有來。
米基爾自2020年來港後，一直未曾為所屬球會拿過冠軍，只曾隨愉園打入「菁英盃」決賽一次，但當年不敵東方屈居亞軍，今次終於一嘗在港捧盃滋味，難怪賽後他顯得十分興奮：「真係等咗好耐，由效力佳聯元朗直到依家接近3年，我呢一刻好開心，想將呢個入波送畀老婆同屋企人，希望今年冠軍能夠陸續有嚟！」
戰況激烈 「筋疲力盡照跑落去」
是役決賽雙方踢來相當緊湊，「藍鳥」在領先下一度被東方追平，結果需要鬥足120分鐘，Mika坦言此刻感到相當疲倦：「東方入波後改變咗成個形勢，兩隊都唔想失波，大家都踢得更為謹慎，講真我喺下半場開始已經感到好攰，但都要繼續跑落去，全力去幫助球隊，尤其想多謝今日入場打氣嘅咁多位傑志球迷，令我好似置身喺巴西比賽咁，希望之後可以繼續見到。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
