昔日東方傑志洽前國腳級外援 伍健：接近關鍵時刻
昨日出席「菁英盃」記者會的傑志會長伍健，接受傳媒訪問時透露，與一名前國腳級球員接洽已經「行到接近關鍵性時刻」，雖然未能趕及在年初一的銀牌決賽亮相，但有計劃讓這位新外援在新年前後完成體測。
伍健上月底在傑志中心二期揭幕禮後，指正與一名前國腳級攻擊球員洽談。他昨日接受傳媒追問時透露，已經與該名外援「行到接近關鍵性時刻」：「未去到變『險簽』系列，雖然佢未嚟香港，合約仲傾緊，但都有一定可能性，銀牌決賽一定趕唔切，但計劃新年前後做到體測，因為呢位球員待遇好高，都要小心同謹慎啲。」
強調球隊「做緊嘢」
一眾球迷對「藍鳥」這名「神秘外援」引頸以待，伍健笑言「畀我再賣下關子」，但強調球隊「做緊嘢」：「再透露多啲就估到，但我又唔想畀人感覺傑志冇做嘢咁，淨係得個講字，我哋真係有出去搵啲高人返嚟，當然唔會個個都成功。」至於6月與「藍鳥」約滿的41歲射手丹恩奴域，伍健表示暫未與對方商討下季去向。
文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
