上季因傷收咧 陳俊樂：依家冇大礙

陳俊樂去年訓練時不慎觸發舊患，以致提早「收咧」。他透露康復進度理想：「兩個月前做完手術，依家開始做啲體能訓練，跑步同用波都冇乜問題，其實我傷勢唔算好嚴重，手術後大約一個禮拜已經可以慢跑。」「樂仔」預計下月會回歸球隊。他與廣州城尚餘一年合約，由於球隊面臨人事變動，會稍後再商討合約事宜。

同日出席發布會的李毅凱，所效力的南通支雲來季升上中超，惟他對自己表現不甚滿意：「一開始不乏落場機會，但之後受傷影響狀態，令到機會少咗，但都開心球隊能夠升上中超。」「阿凱」表示球隊「升超」後，應會簽入更高質球員，外援席位亦有所增加，但他無懼競爭，因為深信「有競爭先有進步」。