昔日東方唔係玩玩吓3將勁有Heart
隊長馮浚翎：年僅21歲的中場馮浚翎（Ling），曾效力車路士足球學校（香港），經驗豐富，她指加盟流浪為了尋求新挑戰：「流浪大部分球員實力唔錯，加上比較年輕，畀我感覺好有活力。」踏入成軍第2年，Ling表示流浪踢法以地面組織及傳控為主，在默契愈來愈好下，開始找到入球方程式，但她認為自身表現仍有進步空間：「因為Final year學業較忙，好難完全集中喺足球，但就嚟完Sem，依家狀態都慢慢升緊，希望攞到冠軍，自己都好期待再踢甲組。」
後衞鄒珈瑤：前車路士足球學校（香港）後衞鄒珈瑤（Toby），從美國畢業回流後今季加盟流浪，她承認仍需時間適應：「多咗好多新球員，而且我哋唔係練咗好耐波就開季，另外乙組同甲組節奏好唔同，多啲一腳清同放過頭波，依家仲磨合緊。」Toby認為升上甲組的夢已不遠，但提醒隊友不要鬆懈：「始終季初賽程比較有利，仲未對屯門等強隊，同埋球隊表現未去到最理想，雖然我哋基本功唔差，畀波決定同First touch方面可以做好啲，有時反而唔使咁複雜。」
中場張家茵：現年24歲的進攻中場張家茵（Mo），屬於陣內其中一名具甲組經驗的球員，她對能夠加入流浪這個大家庭感到開心：「好多隊友之前都一齊踢開港隊青年軍，另外都比較後生、好團結；我哋基本功好，搓波傳波都OK。」上季女足賽事因疫情腰斬，Mo直言「未夠喉」，又希望今季可以踢得更好：「上年比賽好少，一個月先一場波，今季好啲但暫時對自己表現未滿意，體能上唔係咁好，同埋仲未開齋，目標係升甲組。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
