標準流浪撳掣成功4:1輕取晉峰

流浪是役「宜嘉就做」盧均宜及林嘉緯齊齊擔正，前線由神田夢實夥拍祖連奴。晉峰方面，剛加盟球隊的新兵栢保羅正選上陣，費利浦薩於前線掛帥。開賽9分鐘，神田夢實衝前向門將林駿杰施壓，後者慌忙中欲大腳踢前，竟省中神田夢實彈入網窩，流浪意外領先1比0，15分鐘，祖連奴禁區頂勁射中楣彈出。25分鐘晉峰反撲，費利浦薩起腳越楣而過。40分鐘這位巴西射手禁區頂搶走流浪球員腳下球後施射，直飛死角入網，晉峰半場追平1比1。

流浪換邊後調入劉智樂，林學曦及法蘭度，果然收到奇效，47分鐘，法蘭度頭槌二傳，劉智樂門前接應射入，流浪再度領先。80分鐘栢保羅禁區內犯手球，流浪獲12碼，神田夢實操刀成3比1，連續兩場「起孖」，87分鐘劉智樂傳入禁區，盧均宜遠柱趕到「埋齋」，流浪最終贏4比1。

流浪變陣成功，技術顧問米路滿意球隊下半場演出：「法蘭度、『樂仔』（劉智樂）同『學曦』都幫到手，球隊保持壓迫下仲創造唔少機會，表現好理想。」晉峰總教練何信賢指換邊後不久再度落後，對士氣造成影響，坦言流浪上下半場採取不同踢法，令球隊表現受到影響。■■圖、文：鄧文滔