昔日東方深水埗險勝香港U23今季開齋
昨日於將軍澳運動場上演的港超聯，同樣聯賽7戰全敗的香港U23及深水埗交鋒，深水埗憑波比及杜國榆各建一功，險勝對手2比1，取得今季首勝。
深水埗初段機會較多，11分鐘，羅港威禁區內起腳，省中黃浩然彈出底線，12分鐘後，波比左路射門，龐焯熙欲救無從，深水埗領先1比0。37分鐘香港U23獲扳平良機，惟羅曉聰主射罰球中楣彈出，深水埗半場領先一球。
波比杜國榆各建一功
下半場香港U23再度失守，58分鐘，尼高拉斯禁區頂送出直線，杜國榆抽遠柱成2比0。落後兩球的香港U23力圖反撲，73分鐘，劉家喬起腳被王子聰撲出，賽事末段掀起高潮，黎培基禁區內被侵犯，球證直指12碼點，羅曉聰操刀追成1比2，可惜之後無以為繼，深水埗完場贏2比1，奪得今季首場勝仗。
深水埗經歷近半季終於開齋，主教練郭嘉諾指球隊在領先下仍有改進空間：「有時應該要浪費吓時間，保持控球權，但佢哋處理得好亂，尾段仲緊張過對手。」
圖、文：鄧文滔
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
