理文和富大埔會師將軍澳

月初兩軍曾於「菁英盃」碰頭，當時理文贏4比2，惟主教練陳曉明認為參考價值不大：「當時雙方都有唔少主力冇出，今場無論戰局或比賽內容，都會好唔同。」理文今場雖有馮慶燁停賽，但艾華頓、余煒廉及顏樂楓等主力復出，加上重返熟悉的主場作賽，「曉明Sir」認為有助臨場發揮。

中村祐人月初對大埔一役為球隊先開紀錄，兼於今季「開齋」，自言狀態甚佳的他指爭勝心態將是勝負關鍵：「大埔剛贏波士氣肯定唔曳，我哋要表現出更強嘅爭勝心。」

大埔上場於「菁英盃」小勝冠忠南區，終止6連敗頹勢，主教練李恆滙喜見球隊表現有改善：「球隊嘅集中力，尤其防守時係好咗。」隊長陳曉鋒今場有望傷愈復出，李恆滙認為對提升戰力有極大幫助。早前因遷就球隊陣容，鍾偉強多次客串左右兩閘，他承認充滿挑戰：「始終個位置唔擅長，都試過喺比賽中犯錯，呢個都係經驗嚟，幫到自己成長。」「強仔」又指隊內士氣不俗：「上場3分對我哋好重要，希望今場至少都攞到分。」

林卓臻報道