昔日東方港台電視32及on.cc東網直播 標準流浪激砌晉峰
「中銀人壽香港超級聯賽」今日續有好戲上演，頭場標準流浪於斧山道運動場迎戰晉峰。流浪新援神田夢實上場於「菁英盃」梅開二度，帶領球隊擊敗傑志，今場必成焦點；晉峰為終止各項賽事5連敗，亦絕無保留，激戰一觸即發。（港台電視32及on.cc東網周日下午3時直播）
流浪上仗擊敗傑志，現時士氣大振，但球隊仍需在聯賽搶分改善排名，技術顧問米路提醒球員小心應戰：「季初對晉峰試過領先兩球都畀佢哋追平，我哋聯賽榜排名其實比對手低，今場更加重要。」他透露球隊正物色一位外援中鋒，希望進一步加強攻力，是役主力祖連奴及林遼太刑滿復出，余在言因赴日本試腳缺陣。
朴鍾範點名嚴防費利浦薩
新加盟的南韓後衞朴鍾範，上場初次為流浪上陣，心情難免緊張，希望今仗可以踢得更好：「對手最有威脅嘅一定係費利浦薩，希望可以睇得住佢，同唔好出現個人失誤，想為球隊保持不失。」
晉峰近況欠佳，相比士氣高昂的流浪，總教練何信賢承認對方的確秤先：「流浪兩個新亞援質素幾高，整體實力比之前更好，況且佢哋贏完傑志信心十足，狀態亦比冇踢兩個星期嘅我哋優勝。」「何Sir」指球隊在各項盃賽均已出局下，聯賽變得更重要，今場會盡力爭取3分，惟艾拔簡勞因傷避戰，新兵栢保羅則可候命。
楊憲樂：每個決定要做好啲
第二季征戰超聯楊憲樂，今季已上陣10場，擔任後衞的他指流浪擁多名「好波之人」，包括新援神田夢實：「對波嘅時候會盡量對埋啲，唔畀機會佢哋起腳，同埋會避免輸角球或罰球，希望每一個決定做得好啲，幫球隊贏波。」
李浚湣報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
