傑志港會旺角場夜戰

傑志上場「菁英盃」不敵標準流浪，終止各項賽事連勝走勢，但總監兼主教練朱志光卻指士氣未受太大影響，對於今場重返聯賽面對港會，他表示信心十足：「即使世界級球星都會出現蝦碌，所以上場輸波我唔會怪任何人；另外我哋聯賽出嘅人同『菁英盃』八成唔同，所以今場波都唔太擔心。」至於新援伊高沙托尼，已辦妥註冊手續，隨時候命。

「藍鳥」季初曾在「高級組銀牌賽」第一圈大炒港會，當時中場米基爾（Mika）射入了加盟後首球，但他承認該仗上半場十分難踢，認為對手絕非容易應付。

港會上場「足總盃」0比3不敵東方，今場再於聯賽與另一實力分子傑志交鋒，主教練東尼咸美頓（Tony）指對方實力之強毋庸置疑，盼望球員盡力一拚，嘗試發揮最好的一面：「諗嘢要正面啲，希望可以令到場波激烈啲，為傑志製造困難，如果可以入到波就更加好啦。」然而，Tony透露球隊仍受傷患困擾，包括里奧預計養傷2至3個月，而麥美倫亦需要休戰。