昔日東方深水埗再簽4名新兵 郭嘉諾︰仲未夠喉！
郭嘉諾（中）盼新援來投能加強球隊競爭力。
今季未曾打開勝利之門的港超聯球隊深水埗，昨日宣布簽入4名新兵，分別為權宰憼、沈云燮、捷西斯及歐健希。主教練郭嘉諾透露球隊增兵計劃未完，之後或再有球員加盟，期望球隊變得更有競爭力。
今次4名新兵之中，以曾為基達菲在西乙上陣的西班牙後衞捷西斯最具名氣，主教練郭嘉諾承認此子透過西甲足球學校介紹，屬於球隊的重點收購，希望未來會有更多「狂牛兵」來投。至於另外兩名南韓外援沈云燮、權宰憼，「嘉諾Sir」則指二人今次加盟屬於「幫忙」性質：「沈云燮係我教台南市FC嗰陣嘅舊部，因為台企甲正值休季，所以搵佢過嚟試3個月，真係好低人工，我都對佢唔住；另外權宰憼好後生只係20歲，履歷無咁勁，嚟到係想尋求進步。」
捷西斯盼齊心擺脫困境
至於西班牙外援捷西斯前晚才抵達香港，昨日隨即參與操練，他坦言感到非常疲倦，但現已充滿鬥志，希望幫助球隊擺脫困境：「我知道球隊面對緊困難，但其實只要大家齊心努力，就可以改變依家嘅情況。」
連同本地年輕球員歐健希，深水埗暫時在冬季轉會窗已簽入6名新兵，但「嘉諾Sir」指對陣容尚未滿意，透露或再有球員加盟：「前鋒同後衞仲想增強，依家同友會傾緊借人，係仲有球員會嚟嘅，但都要睇資金有幾多。」
李浚湣、鄧文滔報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
