同11人「分家」等球員自己揀 晉峰發展5人足球 望獨立成隊

晉峰有不少球員要同時出戰11人及5人賽事，包括黃偉國及播磨浩謙等。訪問當天，大部分港超兵都缺席今季首場5人足球聯賽，「何Sir」解釋部分超聯成員要集中11人比賽訓練，偶爾未能出席5人足球比賽，他慨嘆：「我希望將來可以發展到，11人同5人隊完全分開，例如依家擺個港超兵落嚟踢5人足球，球員都會怕受傷，驚影響踢港超。」

「何Sir」進一步解釋，晉峰希望同時發展11人及5人足球，長遠希望兩支梯隊均能獨立成隊，目的在於球員可根據個人意願及技術，選擇集中在其中一個比賽模式訓練，因為11人及5人的比賽風格南轅北轍。回想晉峰於2020年升上港超初期，隊中部分較常出戰5人足球的球員，同時要摸索港超強度及打法，以致踢得較辛苦，因此「何Sir」想將11人及5人隊分開的看法，似乎不無道理，始終兩個項目所需的技巧及攻守意識截然不同，他笑言：「例如5人足球嘅守門員，成日要用腳救波，但如果踢11人比賽照樣咁做，會出事㗎，所以之前成日提醒林駿杰同羅澔陽，善用雙手擋波。」

在足球世界裏，教練與球員之間應如何保持關係，並無固定答案，「何Sir」就會把球員視為「親生仔」般教導，不會只顧責備他們，從而提升球員發揮：「如果球員踢得唔好，我會關心佢哋，睇吓問題喺邊度，一齊解決難題，唔係淨係將責任踢晒畀佢哋。」他續稱：「如果我個仔考試成績唔好，我都唔會不斷鬧佢，其實踢波一樣，就算有時要鬧球員，都要適得其所。」

「何Sir」一直投放不少心力發展5人足球，自然與不少球員有交集，更難得的是，現時晉峰5人足球隊中，部分球員與「何Sir」長期「拍住上」，眼看一眾小將在足球路上羽翼漸豐不斷成長，相信彼此的連結，早已不限於球場：「其實有啲球員離隊之後，都會返嚟睇球隊比賽，望住佢哋由10幾歲，都依家差唔多30歲，呢種感覺令我好開心。」