阿積士港裔小將荷甲首演

阿積士28號球員Kian Fitz-Jim，有個中文名菲慈佔天樂，母親係香港人，父親係蘇里南裔，自細喺荷蘭SC Buitenveldert及Amsterdamsche FC受訓，2015年轉到阿爾克馬爾青年軍，2019年加入阿積士青年軍，在荷乙上陣，今季成為阿積士青年隊隊長，近期獲提升上阿積士一隊，並在荷甲上陣。

菲慈佔天樂由U15開始代表荷蘭各級青年軍，曾出戰U19歐錦賽外圍賽，按照佢嘅足球軌迹，他日有機會獲荷蘭國家隊徵召。據悉，香港隊主帥安達臣手頭上有份名單，網羅歐洲能夠代表香港嘅球員，菲慈佔天樂在名單之內，香港足總有專人聯絡過佢，希望佢可以考慮代表香港隊比賽。