昔日東方神田夢實跟過小野伸二學嘢
昨日為流浪上演「地標戰」的日本中場神田夢實，兩度靠罰球攻破傑志大門，成為球隊贏波功臣。這位首次征戰港超的日援，透露過去效力北海道札幌岡薩多時，曾跟隨名將小野伸二學法，苦練罰球功夫。
首次外闖對表現驚訝
是役流浪有多位新兵首度登場，其中上周五才加盟的神田夢實表現最搶鏡。他下半場後備入替，就於比賽中大騷其「罰球專家」功架，個人梅開二度。首次外闖的神田夢實，賽後在同鄉兼隊友林遼太協助翻譯下受訪大談感受：「我對自己嘅首場表現好驚訝，估唔到入到波，希望可以繼續幫到球隊。」神田夢實認為現時體能狀況不俗，但比賽狀態仍可再提高。
神田夢實是役展示出兩種不同處理罰球的方法，令球迷大開眼界。他透露自己的罰球能力，除源於平時刻苦訓練，還獲得高人指點：「我喺踢北海道札幌岡薩多時，同小野伸二做過隊友，當時就成日同佢加操練射罰球，佢係一位非常敬業嘅球員，我喺佢身上學到好多嘢，所以對自己嘅罰球能力好有信心。」這位28歲日本中場續指，絕不會滿足今場表現：「我準備嚟緊交出更好表現。」
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
