昔日東方死球夠出色港會5:1挫深水埗
昨日除夕上演的「菁英盃」A組賽事，深水埗與港會在大埔運動場正面交鋒，最終港會憑着死球戰術發揮出色，在福保羅「起孖」下，大勝5比1全取3分。
深水埗今場由杜國榆及陳靜謙鎮守中路，前線交給泰亞高及陳灝攻堅。港會方面，李小恆與安高沙出任兩翼，基奧及里奧擔正，積施利與福保羅先列後備。開賽2分鐘，基奧頭槌二傳，安高沙門前接應被戴廷匡救出，6分鐘後，里奧左路嘗試攻門，又被戴廷匡撲出。15分鐘里奧被侵犯受傷退下火線，由福保羅入替，這名前鋒落場後即接應罰球頂入先開紀錄。31分鐘，陳灝壓入禁區起腳，馮朗軒擋出底線，隨後的角球泰亞高頭槌破網，深水埗扳成平手。37分鐘，港會罰球斬入禁區，基奧頭槌頂前，杜國樑衝前射入，港會半場領先2比1。
東尼咸美頓讚球員把握力
深水埗換邊後嘗試放長波威脅對手，惟58分鐘後防再次於死球走甩福保羅，令他頂成3比1，個人梅開二度，6分鐘後，福保羅禁區頂罰球橫傳予莊馬仕射成4比1，遙遙領先的港會，76分鐘再憑後備入替的亞當貝利「埋齋」，大勝5比1完場。
港會主教練東尼咸美頓（Tony）對攻入5球感高興，盛讚是役把握力出色：「好好彩球員今日把握到機會，憑死球創造咗4個入波。」談到下場「足總盃」面對東方，Tony指球隊未有壓力：「當遇到呢啲咁強嘅對手，冇人會估我哋贏到，壓力喺對手度。」圖、文：鄧文滔
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
