中大傑志醫務中心獲亞洲足協「卓越」認證

容樹恒多年前已開始與「藍鳥」合作，向球員講解如何避免及處理傷患等知識，他對設施落成並獲亞洲足協認證，感到鼓舞：「呢個係結合咗中大同傑志嘅力量，之前得到亞洲足協認可嘅幾個中心，都係由大學主導，有同職業球隊或代表隊合作，擁有訓練同醫療設施。我哋具備以上條件之餘，都有做研究，加埋呢啲元素，先攞到認證。」

傑志醫務委員會主席陸志聰表示，建立醫務中心曾面對不少困難，包括要找多名專業人士協助：「醫務中心要成功，一定要有最好嘅醫生、護士、營養師、物理治療師同廚師等。因為呢個係全新嘅工程，冇往績，我哋資源又唔算太多，仲可能要呢批專業人士放低自己工作嚟幫手。」

香港中文大學醫務中心＠傑志以「運動醫學」作理念，由中大醫院骨科團隊主理日常運作，配備先進技術，主力為受傷、運動創傷、肌肉骨骼系統問題，以及其他相關疾病的患者提供治療。醫務中心亦會收集不同年齡足球員的有關數據，以進行運動科學的學術研究。