袁皓俊汪雙財膺11月份「最佳撲救＆金球」

儘管與理文交戰一役，距今已超過1個月，但「阿財」回想入球的過程，仍然感到相當神奇：「我嗰陣入波之後，腦袋空白一片，因為我半場入替咗幾分鐘，第1次掂波就入波，賽後睇入球片段都覺得幾神奇，估唔到自己喺入球過程入面，動作會咁流暢。」他指能夠進入當月「最佳金球」候選名單，已經感到非常幸運，對於最終能夠當選，「阿財」謂十分感謝未婚妻、家人及朋友的支持。

「阿財」今季首次踏足港超賽場，就跟隨港會在上半季製造驚喜，他謂現階段的成績超出預期，認為球隊勝在夠齊心：「雖然我哋係業餘球隊，但隊友都百分百投入練波，呢種態度感染到其他人，球隊自然可以齊上齊落。」

汪雙財射入靚波，理文門將袁皓俊同樣有精彩撲救；花名「肥袁」的袁皓俊憑上月（11月）19日作客東方的港超聯賽事，尾段飛身救出對方中場蔡立靖的頭槌，獲球迷選為Hanstti Soccer 11月份「最佳撲救」：「多謝大家嘅賞識，選我做『11月份最佳撲救』，當時球隊只係贏緊1比0，嗰下撲唔到就會打和，所以都好重要。」

季初上陣機會不多的袁皓俊，近期已經重返正選位置，「肥袁」特別提到為了改善表現，自己在球隊操練之外都努力「加操」：「要多謝自己嘅體能教練，佢為我安排唔同種類嘅訓練，令到體能有所提升，呢個獎算係對自己努力嘅一個回報，證明一路以嚟努力係值得嘅！」

11月份「最佳」得主袁皓俊和汪雙財，除獲得由Hanstti Soccer送出的獎座，以及由Lockeroom Dining送出價值500元的美食現金券外，還自動躋身季尾的總選。