昔日東方加盟晉峰地標戰即建功 班哲文圓夢︰我好幸運！
10月8日於大埔運動場舉行的「菁英盃」B組分組賽，晉峰新加盟18歲外援班哲文（Benji），在下半場入替，兼上演職業生涯地標戰，比賽尾段隨即交出1入球、1助攻，帶領球隊以3比3戲劇性逼和標準流浪，這位自小立志做職業球員的年輕小將，勢必成為「粉紅軍團」的秘密武器。
班哲文在西班牙出生，6個月大時隨家人移居香港，6歲開始因父親接觸足球，之後由Ｕ10開始效力傑志青年軍長達8年，直至今季才加盟晉峰，一嘗職業足球的滋味：「踢職業係我嘅夢想，我仲後生，好想去試吓，傑志陣中有好多出色外援，每場外援出場人數又有限制，所以感謝晉峰肯畀機會我。」Benji承認自己比很多年輕球員幸運，今季將更加努力去證明自身實力，藉此報答球隊的信任。
改踢中場「好多嘢要學」
以往在傑志青年軍主要負責進攻，但今季在晉峰因戰術關係，Benji較多時間需要兼顧防守職責：「一開始係踢前鋒，之後踢過翼鋒，近年先改踢中場，但依家係晉峰踢嘅位有啲唔同，遮線、逼搶好多嘢都仲要去學。」除此之外，Benji又指職業足球與青年軍賽事有很大分別，直言需要時間適應：「更加體力化、節奏更快，你嘅對手唔再係同自己年齡相近嘅人，另外一支職業球隊背後牽涉金錢等好多嘢，踢波唔可以再只為開心，目標係要踢得好同贏波。」
職業生涯地標戰即取得入球及助攻，作為隊內少數外援的Benji，自然受到不少球迷期待，惟他卻認為不會造成太大壓力，反而能提升信心，希望可憑創造力，以及場上積極跑動，為球隊爭取更多入球機會。Benji雖然一戰成名，但初戰職業未敢把目標定得太高：「唔可以要求自己成為陣中最佳球員，我亦唔會特定畀自己有乜目標，只會努力爭取上陣機會，同盡力去踢，令自己唔後悔。」
圖、文：李浚湣
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
