昔日東方理文冠忠南區勢均力敵
8強激戰會師青衣
今晚「足總盃」於青衣運動場爆發8強激戰，由理文與冠忠南區爭入4強。雙方今季第3度交手，過去兩次都贏波的南區，誓要挾5連勝之勢再下一城；理文則希望總結經驗，力圖打破「被食硬」惡名。冤家路窄，必有一番龍爭虎鬥。（無綫電視85台周六晚6時直播）
理文上場於「菁英盃」險勝港會，延續連勝走勢。球隊今季兩次遇上南區都未能佔得甜頭，惟主教練陳曉明認為現時一眾球員狀態更佳，對賽事充滿信心：「已經嚟到12月，球員都會更理解我對佢哋嘅要求，我覺得球隊現時嘅狀態，同踢出嚟嘅效果，肯定會比季初好。」他表示要慎防南區的反擊，並指出理文需要思考如何善用控球權，提高進攻效率。上場因傷退下火線的洛迪古斯，以及早前受傷的徐宏傑已重投操練，但是役上陣成疑，好消息是迪高刑滿復出。
亞哥斯達：要專心打硬仗
今季理文先後於聯賽及「菁英盃」不敵南區，中場亞哥斯達強調球隊要總結經驗，同時講到「足總盃」的重要性：「大家都知『足總盃』係本地最重要嘅一項盃賽，我哋有強大陣容，但比賽一場一場計，過去兩次對南區都輸波，一定要搵出問題，專心應付呢場波，希望入到4強。」
於「足總盃」第一圈淘汰香港U23晉級8強的南區，上場港超聯擊敗和富大埔，各項賽事錄得5連勝。雖然今季曾兩度擊敗理文，惟南區主教練鄭兆聰（Ricky）否認有「格食格」情況出現，並認為今仗挑戰更大：「對手實力係好過我哋，佢哋肯定唔想輸第3次，所以呢場會相當難踢。我哋知道場波嘅重要性，希望準備得好啲，比賽中減少犯錯，同時把握到機會。」Ricky指面對理文一班前線好手，南區防守保持紀律性非常重要，希望能夠削弱對手進攻能力。
劉學銘：往績「僅供參考」
南區中堅劉學銘就認為過往戰績「僅供參考」，提醒隊友不要因此而過於自信，並認同理文整體實力在南區之上：「始終佢哋中前場球員都好有能力，我哋需要打醒十二分精神。」他指南區近期整體戰術發揮不俗，但細節上需要做得更好，並希望在「足總盃」可以有上佳發揮。林卓臻報道
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
