理文搶分惡鬥晉峰
今日港超聯尾場,有2022年最後一次於將軍澳運動場出擊的理文,主場迎戰晉峰。聯賽4連勝的「黃黑軍團」,為保榜首優勢絕對戰意十足;至於陣容不整的「粉紅兵團」,盼重拾勝軌亦定必搏盡,激戰可期。(on.cc東網周日晚6時直播)
上場對東方以1球小勝後,理文聯賽錄得4連勝,惟代價是中堅列斯奧比賽中受傷,今場上陣成疑,此外馮慶燁仍要繼續養傷。現時高踞前列位置的「黃黑軍團」,與傑志在積分榜鬥到難分難解,「曉明Sir」表示今場對手晉峰雖非爭標假想敵,但球隊有必要繼續交出穩定表現:「要成為爭標強隊,就係需要有穩定性,對住任何對手都唔可以畀機會。」
加維蘭:今場要踢硬仗
近兩場都為球隊取得關鍵入球的前西班牙小國腳加維蘭(Manu),對能夠為球隊作出貢獻感到開心:「入波對前鋒嚟講係好重要,尤其爭標對手傑志頻頻得分,令我哋更需要把握每次攞3分嘅機會。」Manu提到早前對港會一戰驚險取勝,理文有需要引以為鑑,以今場為例,面對晉峰都要做好踢硬仗的準備。
晉峰上場聯賽1球不敵冠忠南區,總教練何信賢指士氣未受太大影響,緊接再面對勁旅理文,他表示會先做好防守,以1分為目標:「理文攻力好強,尤其係前面3位外援;另外都預咗佢哋會用高空轟炸,始終彼此球員嘅高度有一定差距。」
費利浦薩艾拔簡勞續抖
另外,「何Sir」透露外援費利浦薩、艾拔簡勞,或因傷繼續缺陣,希望一眾華人球員在場上更加落力,好好表現自己。
前鋒何思哲今季各項賽事上陣7次,但仍未開齋,他承認自己急需提升比賽狀態,希望今場面對理文,可以在進攻上貢獻更多:「自己喺進攻同控球上要做好啲,減輕球隊防守嘅壓力;另外都想快啲入波,為球隊提供多一個進攻選擇。」
人人做記者
爆料方法 :
爆料熱線:
(852) 3600 3600
傳 真:
(852) 3600 8800
SMS:
(852) 6500 6500