冠忠南區深水埗爆地區打吡

南區上場一球僅勝晉峰，錄得3連勝，為鞏固積分榜前半版位置，球隊仍需繼續搶分。對手深水埗至今聯賽尚未開齋，但南區主教練鄭兆聰提醒球員切勿掉以輕心：「賽前外界可以睇高某一隊，但落到場就講求臨場發揮，我哋唔想對手喺我哋身上贏到波，所以球隊係有壓力，希望佢哋克服到。」好消息是後防大將翟廷峯坐完波監，可望重返正選名單。

今季轉投南區的李嘉耀，職業生涯於深水埗出道，是役有機倒戈舊主，「嘉耀」形容別具意義。今季他重新擔任進攻中場，各項賽事已斬獲兩球：「過去幾年轉踢後防，今季踢番前面都好享受，始終自己係一個進攻球員。」

深水埗上場以「全華班」出戰，慘吞標準流浪4蛋，聯賽6戰全敗，主教練郭嘉諾希望球員不要氣餒，繼續以搶分做目標，但承認南區技高一籌：「南區除咗防守穩健，仲有一班速度好快嘅球員，同埋一定要守實鞠盈智，佢今季好弗，中場成日攞到波發辦。」陣容上，外援奧恩博刑滿復出，上場領紅的小將黃靖揚需要停賽，「嘉諾Sir」指會繼續輪換。

倒戈的中場劉浩霖，今季由丙組重返超聯，此刻已開始習慣及適應比賽節奏，然而作為陣中經驗相對豐富的一員，他認為自己仍有改善空間：「暫時表現還好，不過要多啲提場，同埋幫手聯繫三線，自己好希望盡快入波，同帶領球隊喺積分榜踢番上高啲排名。」