港台電視32、on.cc東網同步直播傑志迎東方矚目對決

「中銀人壽香港超級聯賽」今日激戰連場，壓軸重頭戲由傑志坐鎮旺角大球場，與東方再演「傑東大戰」。兩軍今季第二度交手，力爭重返榜首的傑志，為3分必定傾巢而出；東方則希望報卻「菁英盃」大敗之仇，遇強敵絕不退縮！（港台電視32、on.cc東網周六晚6時直播）

傑志上場聯賽慨贈和富大埔「4蛋」，近4仗均保持不失，總監兼主教練朱志光大讚球隊防守出色，尤其在失球後很快便搶回控球權。東方上場不敵理文，被打破聯賽不敗身，惟「朱Sir」認為對方不會受太大影響，預期比賽會踢得均勢：「東方有唔少出色球員，包括馬高斯等外援，同埋孫銘謙幾位港腳；另外盧比度做過我副手，又係西班牙教練，好注重控球權，要留心佢哋嘅反擊。」人腳上，杜馬思和白星馳繼續因傷缺陣。

羅拔圖苦練死球戰術見成效

短小精悍的後衞羅拔圖，各項賽事用頭槌交出兩個入球，為此他感到十分欣慰：「進攻時嘅死球企位，我哋都練咗好耐，呢啲完全係努力訓練嘅成果。」球季接近一半，羅拔圖指球隊沒有太多失分空間，尤其東方是一支強隊，今場全隊一定要付出100%，以全取3分為目標。

東方季初「菁英盃」曾以1比5大敗予傑志，今回聯賽再遇老對手，主教練盧比度（Chino）認為球隊現時狀態已有所提升，但比賽難度仍然存在：「傑志實力上同聯賽中所有對手，都存在唔少差距，佢哋陣中有好多好波之人，估計我哋點都受壓，要做好準備面對。」Chino承認今場大戰氣氛，或因兩隊實力差距而不及往年，但他強調球隊仍會全力爭勝及搶分。賽前東方簽入前傑志兵史雲斯頓，相信有助增強中場的人腳調動。

防守出色馬高斯歸功全隊

上場雖不敵理文，聯賽不敗金身被破，但東方今季聯賽至今僅失一球，防守相當理想。主力中堅馬高斯認為要歸功於全隊努力：「除咗我同高素巴耶夫之外，全隊都喺防守方面都做得好好，靠所有人努力，我哋先可以力保不失。」文：李浚湣