輕取深水埗標準流浪聯賽開齋

兩軍同樣尋求聯賽首捷，主隊流浪由梁興傑把關，「宜嘉就做」組合繼續擔正；深水埗是役全華班應戰，屠俊翹重返正選大軍，聯同嚴啟華及陳靜謙等鎮守後防。開賽2分鐘，盧均宜禁區頂推大位施射，被屠俊翹接實。深水埗站穩陣腳後反客為主，7分鐘，黃靖揚禁區內攻門被梁興傑擋走。19分鐘梁星耀頭槌攻門，亦威脅不到梁興傑。論把握力，流浪始終勝一籌，25分鐘簡古爾推橫勁射破網，攻入加盟後首球，兼為流浪先拔頭籌。32分鐘，祖連奴左路突入禁區被剷跌，球證直指12碼點，姚浩明操刀得手，流浪半場領先兩球。

換邊後，流浪繼續施壓，50分鐘，林遼太接應角球頭槌頂斜。1分鐘後，祖連奴傳中省到陳靜謙改變方向，屠俊翹回身夠快撲出底線。55分鐘，余在言趁深水埗守將解圍不遠，後上一射破網，流浪贏到3比0。4分鐘後祖連奴單刀赴會得手，將比數改寫成4比0。76分鐘黃靖揚因侵犯祖連奴，兩黃一紅被逐，深水埗少踢一人下更無力回天，流浪聯賽首嘗勝利滋味。

流浪技術顧問米路賽後對球隊獲勝感開心：「我為球隊表現感到驕傲，我哋今場踢得簡單直接，製造咗好多機會，4比0係唔錯嘅戰果。」他承認聯賽首勝來得比預期遲，如今成功「開齋」，有助球隊提升信心。

至於是役初次為流浪建功的簡古爾，賽後相當興奮：「真係等咗好耐，好開心開到齋。」首次來港發展的他，仍在適應港超踢法：「土耳其及德國等地嘅聯賽，水準的確較高，但我唔認為差距太大，只係大家風格唔同。」

圖、文：林卓臻