標準流浪鬥深水埗同求開齋

標準流浪上場聯賽對東方再次失分，各項賽事3戰不勝，但技術顧問米路指球隊進攻甚具威脅，踢出開季至今最佳表現。面對同處榜下游的深水埗，米路強調3分志在必得：「深水埗近期表現有改善，我哋一定要保持專注，只要贏到就可以為球員減壓。」陣容上，林衍廷因早前對港會作出凶暴行為，今場仍然只能作壁上觀。

因坐跨季波監缺席了季初6仗的基藍馬，表示復出後狀態正逐步提升。這位流浪中堅今季夥拍賈思浩扼守中路，他對新拍檔讚不絕口：「賈思浩速度好快，相信我哋夾耐啲默契會更好，今場要繼續保持零失球，球隊再無失分空間。」

深水埗上場聯賽惜負晉峰，主教練郭嘉諾直言對賽果失望，同時盛讚球員在少踢一人下沒有放棄，更爭取到入球。對手流浪於聯賽未嘗一勝，「嘉諾Sir」指對方暫時仍未上力，是役盡量伺機搶分：「流浪實力係強，但港會嚟到斧山道都贏到，加上場地好大風，高波未必有着數，反而我哋踢地面組織更有優勢。」上場領紅的奧恩博需要停賽，而泰亞高亦因傷上陣成疑。

上場後備入替的翼鋒尼高拉斯（Nicholas），攻入職業生涯首球，但他指狀態仍未十足，會努力訓練爭取重返正選。深水埗雖於聯賽全敗，Nicholas表示未有太大壓力，每場都會全力以赴：「對住流浪一定唔會易踢，要踢出賽前部署先有望搶分。」■文：李浚湣