港台電視32 x on.cc東網同步直播：傑志和富大埔蓄勢對撼

今日「中銀人壽香港超級聯賽」尾場重頭戲，由傑志於旺角大球場火併和富大埔。傑志與前列球隊鬥得難分難解，當然希望延續勝利；和富大埔剛簽入巴西籍翼鋒雷仙奴，此子有望上演處子戰，隨時為球迷帶來驚喜，「藍綠大戰」一觸即發。（港台電視32、on.cc東網周日晚6時直播）■文：李浚湣

經歷「9日3戰」的傑志，上場「菁英盃」在大幅輪換下，兩球擊敗香港U23，各項賽事豪取3連勝。總監兼主教練朱志光透露一眾主力養精蓄銳，只有巴爾拿及杜馬思因傷缺陣，是役會盡遣強陣出擊，同時提醒球員萬勿輕敵：「大埔以往喺港超成績唔錯，好多球員都經驗豐富，兩位原有嘅巴西球員都有一定能力，不過新外援就唔太認識，希望拎到3分。」

佐敦布朗獲特區護照改名白星馳

佐敦布朗昨日成功取得特區護照，成為本地球員，並正式改名為「白星馳」。這位傑志守將養傷近3個月後，上場復出兼踢足全場，他滿意表現之餘，相信狀態會愈來愈弗。「藍鳥」目前不乏左閘人選，白星馳承諾盡力爭取更多上陣機會：「加盟前都知呢個位競爭好大，但咁樣會更有動力去逼自己進步，之後會繼續落力訓練。」

近兩場聯賽保持不敗的和富大埔，賽前簽入27歲巴西翼鋒雷仙奴，這位「10號仔」已隨隊操練一段時間，主教練李恆匯透露是役很大機會派其上陣。今季不少球隊面對傑志都踢得保守，「匯Sir」坦言大埔亦不例外：「傑志啱啱喺『菁英盃』出晒口靚仔，今場陣容一定唔同晒，正好畀我哋班球員感受咩係真正強隊，我哋一定要做好防守先。」

馮冠鳴提醒隊友保持集中

今季擔任防守中場的馮冠鳴（Aries），上場傷愈復出並後備落場。面對強敵傑志，Aries提醒隊友要高度集中，並指不會畏懼對手：「我哋一定會以攞分做目標，無論對咩對手，我哋都係以同一心態應戰，就係要咬到最後1分鐘，唔好畀佢哋覺得咁易啃。」