on.cc東網直播東方理文硬碰硬

今日「中銀人壽香港超級聯賽」重頭戲，東方假旺角大球場主場出擊，與理文合演「東理大戰」。兩軍對上一次交手為6月「亞協盃」分組賽，惟自此之後，雙方陣容都出現變動，究竟理文能否洗脫「畀東方食硬」之標籤？還是東方繼續扮演「理文剋星」？老土講句，踢過先知！矚目對決不容錯過。（港台電視32及on.cc東網周六晚6時直播）

上場與標準流浪互交白卷的東方，聯賽至今4戰錄得2勝2和，乃今季唯一未敗之師，惟球隊要接連硬撼理文和傑志兩支爭標分子，主教練盧比度（Chino）承認要保住不敗金身頗有難度。雖然早前於「亞協盃」曾以3比1擊敗理文，但Chino認為今時不同往日，尤其米基爾及費蘭度等球員離隊後，東方牌面上不及對手，惟他相信球隊已準備好接受更大挑戰：「我哋唔會失去信念，會盡力踢出部署，努力為對手製造麻煩。」

黃皓雋平常心迎倒戈戰

季前由理文轉投東方的黃皓雋，表示會以平常心倒戈舊會：「希望幫球隊攞3分，落到場盡量發揮。」他認為球隊能在聯賽保持零失球，全賴後場多位具經驗球員壓陣。進攻方面，他期待能與孫銘謙和蔡立靖等拍檔擦出更多火花。

理文上輪以2比1險勝港會後，成功鞏固前列位置。今場對手東方至今防守表現出色，主教練陳曉明坦言是役不易應付：「葉鴻輝係本地其中一位出色嘅門將，加上一對外援中堅，佢哋人腳實力其實幾好。」要撕破密集防線，理文除靠加維蘭及倒戈的艾華頓等前鋒外，上場倦勤的洛迪古斯亦已重投操練，惟馮慶燁要繼續休養。

張憙延珍惜上陣機會

上場攻入今季開齋波兼絕殺對手的張憙延（Marcus），入球後心情激動：「可能上季喺港會場入過兩球，所以上場波更夠膽起腳，好開心幫球隊攞晒3分。」今季不再是「菁英盃」適齡球員的Marcus，希望捉緊每次上陣機會證明自己。文：林卓臻