傑志香港U23變招再鍊過

傑志上場聯賽大勝香港U23，總監兼主教練朱志光讚揚對手上半場防守不俗，是役相信亦會沿用此戰術，但有信心球隊能再次撕破密集：「佢哋嘅球員淨係追住個波走，下半場體能一定下降，只要夠耐性不斷將個波傳快啲就可以，我預咗之後隊隊都會咁踢，一定要搵方法破解。」「朱Sir」續指「菁英盃」不會太在意賽果，希望年輕球員放膽去踢吸收經驗。

上場「菁英盃」對東方，為年僅20歲翼鋒張廣然今季首次正選上陣，他坦言強度比練習時相差很大，自己表現未算太好：「落到場其實可以放鬆啲，唔好太拘謹，踢得不過不失。」今場面對香港U23，「廣然」希望有所斬獲。

香港U23上場聯賽挑戰傑志，半場力戰下僅失1球，可惜最終大敗而回，主教練司徒文俊對球隊上半場的表現感「收貨」。今晚於「菁英盃」再戰「藍鳥」，「司徒Sir」表示雖然對方會派出較多年輕球員落場，但整體實力仍相當不俗：「就算佢哋派出幾個小將，但仲有其他高質素球員喺陣中，所以唔會易踢。」陣容方面，宋紘毅及何瀧浩有傷在身，今場上陣成疑。

兩軍短期內再碰頭，香港U23中堅梁煒烽相信在「菁英盃」的差距會有所拉近：「對手要出3個年輕球員，我哋就有好多『菁英盃』適齡球員，人腳上唔需要大變。」「煒烽」又指是役會當作「重新開始」：「佢哋上場贏咗我哋，今晚再次對壘，雙方都會有唔同，所以我會當係新嘅比賽咁踢。」