搶分激鬥！晉峰硬撼深水埗

晉峰上場在「菁英盃」再負東方，是役重返聯賽戰線面對深水埗，總教練何信賢認為對手轉由郭嘉諾執教後，防守上更加緊密，球員速率及狀態亦有明顯改善，需要小心應付：「最基本要求唔好輸波，防守集中力要改善，邊隊把握得好啲，會成勝負關鍵。」陣容上，中堅艾拔簡勞仍有傷在身，未知能否趕及復出。

中場劉君正今季各項賽事上陣7次，然而他對自身表現不甚滿意：「開季前希望分擔到球隊嘅入球重任，但暫時仲未有進帳，把握力方面可以做好啲，同埋要踢得更進取。」球隊近況平平，包括一個月內遭東方「三殺」，「君正」希望球隊可以重新出發，以一場勝仗振奮士氣。

深水埗上周輪空，主教練郭嘉諾認為有助自己透過日常訓練，提升隊內士氣。「嘉諾Sir」形容今場屬「五五波」，球隊將精銳盡出，務求取得今季首勝：「睇番對手今季表現，有時係會踢到好波，但我比較熟悉佢哋嘅踢法，一定要重點防守費利浦薩，同避免再喺初段失波。」

隊長羅港威今季重返超聯，作為陣中具經驗球員之一，他承認狀態及與隊友的默契仍未十足：「以往隔籬全部都係好強嘅隊友，依家身邊變咗一班後生仔，點都會吃力啲，同埋要時間磨合，大家互相幫助。」「港威」續指與晉峰屬同級較量，提醒隊友要抱有想贏的決心。文：李浚湣